Икона Знамение Пресвятой Богородицы

DSC_0407-smallПожертвована в дар приходу нашего храма протоиереем Николаем Сергиенко ( родитель настоятеля храма ) в 2010 году. ( XIX век )

 

 

 

 

 


   Икона Божией Матери «Знамение» – одна из самых почитаемых на Руси икон. На ней изображена Пречистая Дева с поднятыми в молитве руками и медальоном с образом младенца Христа на груди. Иконы подобного вида существовали в христианском мире с IV века и именовались «Оранта», на Руси они стали появляться в XI–XII веках и получили имя «Знамение» в честь чудесного знамения в Новгороде.


Тропарь

Яко необоримую стену и источник чудес/ стяжавше Тя, раби Твои,/ Богородице Пречистая,/ сопротивных ополчения низлагаем./ Темже молим Тя:/ мир граду Твоему даруй// и душам нашим велию милость.

Кондак

Честнаго образа Твоего знамение/ празднующе людие Твои, Богородительнице,/ имже дивную победу на сопротивныя граду Твоему даровала еси,/ темже Тебе верою взываем:// радуйся, Дево, христиан похвало.

Молитва

О Пресвятая и Преблагословенная Мати Сладчайшаго Господа нашего Иисуса Христа! Припадаем и поклоняемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго на сей град нашествия. Смиренно молим Тя, Всесильная рода нашего Заступнице: якоже древле отцем нашим на помощь ускорила еси, тако и ныне нас, немощных и грешных, сподоби Твоего Матерняго заступления и благопопечения. Спаси и сохрани, Владычице, под покровом милости Твоея Церковь Святую, град Твой (обитель Твою), всю страну нашу православную и всех нас, припадающих к Тебе с верою и любовию умиленно просящих со слезами Твоего заступления. Ей, Госпоже Всемилостивая! Умилосердися на ны, обуреваемыя грехи многими, простри ко Христу Господу Богоприемнеи руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его, да, спасаеми всесильными Твоими к Нему молитвами, блаженство райское унаследуем и со всеми святыми воспоем Пречестное и Великолепое Имя Достопоклоняемыя Троицы, Отца и Сына и Святаго Духа, и Твое велие к нам милосердие, во веки веков. Аминь.

 ***

 

(39)